صحيفة روافد العربية ننقل الحدث كما حدث
مقالات مشابهة
د/علي الشعواني
ألا يا صرخة الفرحة أحس أن الأهل أغراب
ألملم بسمتي وأمشي وليل الفقد يطويني
انا كلي على بعضي قصيدة والليالي كتاب
أعيش الذكرى والفرحة عيت تخاويني
مسارات الرحيل اللي يبي منها يشيل اتراب
لقيت النفس في لحظة بعيدة عن شراييني
على متن القطيعة طوت عمري والهوى أبواب
بلحن من الشقا وبليل تتساقط عناويني
جمعنا الهم واللهفة وصرنا للشقا أصحاب
شجون الغم يا روحي تعذبني وتكويني
حرام الشوق غلبني غيابك والجرح ما طاب
ترى بيحاسبك ربك على ما تفعله فيني
ويبقى حلميّ النازف على جمر الهوى صباب
أنا بحلمي لظى مسرى وسراب الوصل يطفيني
مشاعر صاخبة جيتك أسوق الروح والاعصاب
تعذبني و تلوعني و بقايا أشواق تحييني
