صحيفة روافد العربية ننقل الحدث كما حدث
مقالات مشابهة
هاشم بن علي الكاف “الهاشمي”
انت الوحيد اللي ملكني حنانك
لو الزمان يطول مانيب ناسيك
في وسط قلبي ثابتٍ في مكانك
تنبض عروق القلب اسمك تناديك
ارفق على قلبٍ على العهد صانك
يحيا على قربك وصوتك وطاريك
ياللي كياني مرتبط في كيانك
انت الحبيب اللي بشوفي اداريك
أجمل كلام الحب يسكن لسانك
كل المشاعر في كياني تحاكيك
قلبي رهن حبك و إشارة بنانك
انت الغلا ياجعل عمري فداويك
ادمنت حبك والبلا في جنانك
قلبي طلع من بين الأضلاع ناصيك
نظمت قيفان القصايد عشانك
انت الغرام وكل قافٍ يناجيك
ارجع ورد الشوق وأثبت رهانك
وان جيتني تفدى عيوني خطاويك
قلبي وكل العمر فدوة زمانك
أغليك حتى وان تناسيت شاريك
يا مبدعٍ في الحب أطلق عنانك
أجيك عاشق وانكسر بين أياديك
