صحيفة روافد العربية ننقل الحدث كما حدث
Related Articles
#بلقيس_الشميري
يوم جاد الحظ يمِّك قادني وأسرج هواك
أعلنك فارس غرامي والمداين مُظْلِمه
ابتدت قصة غرامي والبداية قلت هاك
قلبي اللي يوم حبك اليدينك مُسْلِمَه
كم عشق قلبي ذنوبك طامع بلذة رضاك
كم تغاضى عن عيوبك وانت باقي تظلمه
كم عشق لذة جنونك ما التفت طرفه لذاك
يحسبك لوثة جنونه بالحروف الملهمة
كم أحبك ياحبيبي رغم ما اقترفت يداك
والجروح اللي تشافت في الخفوق معلِّمه
مل قلبي من عذابه وملت دروب الهلاك
وملت الالام الحيارى كل جرح تكلمه
وين عهدك ياحبيبي يوم يطعني وفاك
الغدر فوق احتمالي والخيانة مؤلمه
مات شوقي في عروقي والسبب شدة قساك
كل دقه من جروحك ياحبيبي تِعلِّمِه
حلم واحد في عيوني وانتهى حلمي معاك
والنهاية امس حاضر والمداين مُظْلِمَه
