صحيفة روافد العربية ننقل الحدث كما حدث
مقالات مشابهة
سلمى حسن القاهرة
ماشية في الشارع
بساعد الطيبين
جاني شاب حليوة
قالي معاكي قلت وماله
أهو نشيل عنهم الطين
وجاب شويه كمان
بنتين على ولدين
قلت فرجت
على المصريين
أتريك طيب مثل الباقين
لاجاي علشانك
ولا حتى للمساكين
ضحكت بعلو صوتي وبتفرج
وهما على بعض مقطعين
أصلها مش لربك النوايا
ولا للمحرومين
ضحك الطيب
وقالي تعالى
نروح لرب العالمين
أصلها علي مزاج الكذابيين
ضاحكه عليهم نفخة مغرورة
وبكره يشيلوا عند الملك
الحسابين
قلت له واحنا طيب
رسمت وشه بسمه الوجع
و قالى
من امتى لينا دور في
دايرة النصابين
أصلها مش ثلاثة
يا حلوه
يا دنيا دين.
