صحيفة روافد العربية ننقل الحدث كما حدث
مقالات مشابهة
أعشار السنين
الشاعرة / غزيّل الهذلي ” الملتاعة”
لحظه … قبل لا تجرح الروح وتروح
أوقف … وفهمني … بنوع .. الأسية
أنا .. حشمتك روح من داخل الروح
ما هانت .. أعشار .. السنين .. الهنية
قبل .. العذر قبل الرضا قبل مسموح
وش شن غارات .. الهجوم القوية
منته كذا عطني للأوضاع مشروح
ودي اقتنع وأعمل بأصلي شويه
كنت اللطيف وكنت لي كتاب مفتوح
أحلف .. بروحي من غلاتك عليه
وين الذي لا ضاق يصدقني البوح
ويرمي بروح الحال من بين يديه
أشاطر أحزانك وأقاسمك بالنوح
وانطق عسى ماحل بك كان فيه
وأهيئ .. أجواءك .. مسرات وافروح
وأقدم .. عيوني .. من أجلك هديه
عالي مقامك / عشق الأرواح مفضوح
تأمر واطيعك وانخضع لك رضيه
لا .. ما .. توقعت الغلا منك مذبوح
ليت .. التصدي ما حصل منك ليه
خلك ورى من جاك بالشور ناصوح
لين .. الندم وسمه يحطْ بك كيه
دامك .. على لاماه بالوصل مشفوح
أنا … على .. فرقا .. مثيلك .. غنيه
هبت .. نسانيس الهوى.. كنها الدوح
حمائمه … وفد … التعاطف … وفيه
لكن … عليم الله أنا حيل مجروح
منسى لك اللي صار ما دمت حيه
والآن … مالي …فيك لازم ومصلوح
بهدوء … فارقني … ولا .. تلد .. بيه
